Město Libavá
| Město Libavá | ||
| germane Stadt Liebau, esperante: Urbo Libavá | ||
| municipo | ||
 Město Libavá - vido al la urbo el ŝoseo ĝis Stará Voda kaj Budišov nad Budišovkou
| ||
|
||
| Oficiala nomo: Město Libavá | ||
| Ŝtato |  Ĉeĥio
| |
|---|---|---|
| Regiono | Regiono Olomouc | |
| Distrikto | Distrikto Olomouc | |
| Administra municipo | Šternberk | |
| Historia regiono | Moravio | |
| Parto de | Armea spaco Libavá | |
| Montaro | Nízký Jeseník | |
| Domoj | 192 | |
| Rojo | Libavský potok | |
| Situo | Město Libavá | |
| - alteco | 530 m s. m. | |
| - koordinatoj | 49° 43′ 19″ N 17° 31′ 04″ O / 49.72194 °N, 17.51778 °O (mapo) | |
| Areo | 81,34 km² (8 134 ha) | |
| Loĝantaro | 551 (2024) | |
| Denseco | 6,77 loĝ./km² | |
| Estiĝo | 1238 | |
| Horzono | MET (UTC+1) | |
| - somera tempo | MET (UTC+2) | |
| Poŝtkodo | 783 07 | |
| NUTS 3 | CZ071 | |
| NUTS 4 | CZ0712 | |
| NUTS 5 | CZ0712 500160 | |
| Katastraj teritorioj | 3 | |
| Partoj de municipo | 2 | |
| Bazaj setlejunuoj | 4 | |
  Situo enkadre de Ĉeĥio
| ||
 Vikimedia Komunejo: Město Libavá
| ||
| Retpaĝo: www.mesto-libava.eu | ||
 Portalo pri Ĉeĥio
| ||
Město Libavá (germane Stadt Liebau) estas eksa urbo en Ĉeĥio en regiono de Oderské vrchy, kiu estis de la 1-a de oktobro 1946 el politika distrikto Moravský Beroun donita en teritorion de Armea ekzerca spaco Libavá, la hodiaŭa Armea spaco Libavá, kaj ĝi estas sidejo de ties spaca ofice. Ekde tiu tempo ĝi ne estas municipo kaj ĝi ne estas (en disharmonio kun Konstitucio de Ĉeĥa respubliko) parto de neniu municipo. Vivas ĉi tie 551 loĝantoj (2024).
Historio
[redakti | redakti fonton]La urbo etendiĝas sur montetriĉa tereno ĉe samnomata rojo. La unuaj mencioj pri Libavá devenas el la jaro 1238, urbo ĝi estas ekde la jaro 1301. En 1581 ĝi estis de episkopo S. Pavlovský liberigita de ĉiuj laboregoj kiel posedaĵo de olomouca ĉefepiskopejo, en 1629 estis al Libavá donita urba blazono, je rompo de la 16-a kaj la 17-a jarcentoj la urbo suferis pro militmarŝoj de soldataroj. Jam en mezepoko estis skribe indikataj muelejoj, el metioj eminentis precipe je rompo de la 17-a kaj la 18-a jarcentoj teksindustrio kaj konataj estis ankaŭ libavaj orgenistoj. En la 18-a jarcento ĉi tie furiozis ĥolero kaj incendioj, kiuj ŝanĝis vizaĝon de la urbo - informoj pri tio konserviĝis en urba turo, kiu staris en Předměstí ĝis la 1893. Ekde 1850 Město Libavá estis kiel administra centro de la regiono destinita kiel sidejo de juĝeja distrikto. La unuaj mencioj pri lernejo devenas el fino de la 16-a jarcento, nova konstruaĵo estis konstruita post incendio en 1852. Fine de la 19-a jarcento estas ĉi tie indikata ses signifaj industriaj entreprenoj, du akvaj kaj unu ventmuelejo, segiluzino kaj brikfabriko, sidejo de grandbieno kaj arbara oficejo.
Al la urbo apartenis vilaĝo Dřemovice (Drömsdorf), kiu estas unuafoje menciata en dokumento de episkopo Bohuš ze Zvole el la jaro 1456. Antaŭ la dua mondmilito ĉi tie estis arbara regiono kaj Landa faka ekonomia lernejo, kiu estis fondita post la jaro 1918. La lernejo havis por ĉi tiea regiono grandan signifon kaj estis fondita ĉe ĝi ankaŭ meteorologia stacio. Laŭ popolnombrado el 1930 ĉi tie vivis 285 loĝantoj. Nuntempe Město Libavá inkluzive de Dřemovice havas proksimume 670 loĝantojn kaj ties aspekto kaj stato estas post pli ol kvindekjara agado de armeo plorinda. El urbo restis al ĝi nur la nomo.
Ellandigo
[redakti | redakti fonton]En ĉiuj ĉi tieaj municipoj vivis ĝis tiu tempo eksplicite germanoj, kiuj estis en la jaro 1946 devige ellandigitaj. Poste sekvis ankaŭ ellandigo de ĉeĥaj almigrintoj kaj "orfosistoj", kiuj sporade venadis ĉi tien ekde la jaro 1945.
Malkonservado kaj nuntempa stato
[redakti | redakti fonton]La domoj kaj aliaj konstruaĵoj en plimulto da vilaĝoj de la spaco estis pase de la jaroj tute malkonservataj kaj neniigitaj, sed en Město Libavá la malkonservado okazis malpli rapide kaj kelkaj konstruaĵoj estas almenaŭ parte konservitaj. En Město Libavá konserviĝis ekzemple ventmuelejo. Sur teritorio de la armeaj spacoj estas malpermesite privata proprumado de nemovebla posedaĵo, kio montriĝas, spite al klopodo de Memorindaĵa ofico en Brno, precipe en senĉese daŭranta malkonservado de la konstruaĵoj.
En la jaroj 2001-2002 kelkaj senatoroj diskirlis okazadon ĉirkaŭ malrespektado de rajto de la loĝantoj por aŭtonomio - kvankam en multaj aferoj oni pravigis ilin, la kontraŭkonstitucia situacio, kiam pli ol mil loĝantoj ne rajtas baloti sian lokan aŭtonomion, daŭras plu.
Renovigo de memstareco
[redakti | redakti fonton]La nova municipo estiĝis al la 1-a de januaro 2016 en konekso kun malgrandigo de la armea spaco Libavá.
Loĝantaro
[redakti | redakti fonton]| Jaro | Loĝantoj |
|---|---|
| 2016 | 552 |
| 2017 | 587 |
| 2018 | 603 |
| 2019 | 598 |
| 2020 | 603 |
| 2021 | 529 |
| Jaro | Loĝantoj |
|---|---|
| 2022 | 566 |
| 2023 | 568 |
| 2024 | 551 |
Rilataj temoj
[redakti | redakti fonton]
| ||||